Ana səhifə |Az | Ru | En

Şpal Zavodu

Tikintisinə 2005-ci ildə başlanan Şpal zavod 2006-cı ilin may ayında  istehsalata başlamışdır. Qaradağ rayonunun Ələt qəsəbəsində yerləşən Şpal zavodun ümumi ərazisi 62 240 kv.m, istehsal ərazisi isə 2 904 kv.m-dir. Şpal zavodda iki növ şpal istehsal olunur:

B70 tipli dəmir-beton şpal
Yolayrıcı dəmir-beton şpal
200-ə yaxın əməkdaşı olan Şpal zavodun illik istehsal gücü 511 000 ədəd B70 tipli dəmir-beton şpaldan, 120 dəst yolayrıcı dəmir-beton şpaldan ibarətdir. Bu isə il ərzində 270 km-ə yaxın yeni dəmiryolu tikintisi üçün şpal ehtiyacının ödənilməsi deməkdir. Dəmir-beton Şpalların istehsalında əsasən yerli xammaldan istifadə olunur, yalnız xüsusi gərginliyə malik olan metal məmulatlar Almaniyadan gətirilir. Dəmir-beton şpalların bağlayıcıları Almaniyanın Vossloh şirkətinə məxsus System W21 bağlayıcılarıdır. Şpal zavodda istehsal edilmiş məhsulun nümunələri Avropanın tanınmış laboratoriyası olan Almaniyanın Bautest GmbH labaratoriyasından sınaqdan uğurla çıxmışdır.